香港新浪網 MySinaBlog
« 上一篇 | 下一篇 »
Middle | 2006-05-17 | 隨說隨想 | (1987 Reads)

平均分: 8.50 | 評分人數: 2

  

果日我無無地聊,於是上網八卦一下。

網絡一通左,我就click 左去自己個Blog 度先,點知一個留言都無,睇怕成日都無人唻睇過;有d 嬲,但又唔知點算好,惟有繼續四圍遊。期間我去左一個Blog 排行榜,見到人地d 排名永遠都咁高,實在羨慕。於是我click 左入去排名最高果幾個Blog o既其中一個,心諗就算我自己排名唔高,偷下師都好丫嘛!
 
點知唔click 由止可,一click 就把鬼火,裡面果個Blog 主,竟然貼左佢自己張相出唻,賣弄色相? 還不特止,果個人仲要係我小學同學,以前有d 牙齒印o既添。記得佢以前o係小學時成日俾人蝦,聲都唔敢出句,而家竟然上左排行榜咁高排名,咁鬼多人睇,呢個世界實在無天理!果一刻,實在好唔開心!唔通,真係貼張玉照出唻,個Blog 就會紅? 但係我平時都有貼d 靚女相出唻呀!唔通,講多d 自己o既親身經歷,個Blog 就會多人睇? 之但係我成日都有講我早午晚去左邊丫? 我諗左好耐,一d 都唔明白,又好唔甘心,於是打俾遠在美國o既大家姐,睇下有咩辦法解救。
 
「家姐,我好mung 呀!」
 
「咩事咁mung 呀? 」
 
「點解以前小學果個肥仔,佢個Blog 會咁多人睇架? 」
 
「Blog ? 乜你而家學人寫Blog 呀? 」
 
「寫左好耐喇,但係都無人睇...... 喂家姐,唔係連你都無睇丫嘛? 」
 
「我...... 我梗係有睇喇!肥仔果個Blog 我都有睇,人地貼埋相出唻,你又點可以同人地爭呢? 」
 
「哼,咁佢貼,我都可以貼o既ja !」
 
「我勸你都係唔好...... 」
 
「咩話? 」
 
「無野無野。其實你有所不知,人地為自己個Blog 做左好多宣傳架,而且今時今日想自己個Blog 多d 人睇,唔賣下廣告又點得呢? 」
 
「賣廣告? 乜原來可以賣廣告o既咩? 」
 
「梗係得喇。」
 
「咁係咪好似宣傳二咁? 」
 
「傻仔,我俾個電話no. 你,你陣間打去試下喇。」
 
原來Blog 都有得賣廣告,只要賣廣告就可以好似肥仔咁,實在羨慕!於是乎,我立刻就打左大家姐俾我果個電話no.,係一間叫摩登廣告o既公司:「喂,請問係咪摩登廣告公司? 我想幫我個Blog 賣廣告呀。」
 
果邊有個女人接聽:「哦,係呀,你想我地點樣幫你賣廣告丫? 我地有平有貴,會儘量幫你將你個Blog 整到全城皆知。」
 
我望望自己個銀包,得返百幾蚊,連今個月上網費都唔知俾唔俾得起,就問:「平o既話要幾錢? 」
 
「平o既話只要十蚊就得架喇,個廣告仲可以賣足一年添!而且呢個優惠我地做到今個星期架咋,過左就唔知要等幾耐先再有!」
 
「係? 十蚊咁平? 」
 
「嗯,只要你俾左十蚊,我地會幫你度身訂做設計過個Blog,周圍同你宣傳你o既最新文章,而且仲會o係我地自家o既網站有你個Blog o既連結...... 講起我地個網站,而家一日都唔知有幾多人唻,d link 多到我地就唻無位放,所以如果你有興趣,就真係要快手喇!」
 
「咁...... 咁......」我始終有d 猶豫,真係有咁神奇?
 
「唔好『咁』喇,十蚊ja,半餐麥記o既價錢,就可以令你個Blog 有無數咁多人知,仲要諗? 」
 
最後我抵受唔住誘惑,速速係e bank 到過左十蚊俾佢地,參加左一個名為「拯救靜Blog」o既計劃。o係個過程裡面,我唔駛做任何野,只需好聽話咁將自己個Blog o既css (我其實都唔知咩唻) 同埋login 密碼交俾佢地,佢地就會一手一腳咁幫我搞妥,仲話o係兩日內一定會上到個排名o既高位置,而且仲唔駛我貼自己張相添!諗起肥仔原來都只係靠咁樣唻出位,我就忍唔住笑...... 哼,而家唔只你,我都得喇!
 
第二日睏醒起身,我即刻上網,去左個排行榜睇,果然見到自己個Blog o係十大以內!好開心好開心,今世人從未試過咁開心,呢一刻只覺得自己光宗耀祖、甚至衣錦還鄉!雖然,我個排名比肥仔仲係要低,但而家我同佢都差唔多咁紅,美夢成真,又有咩所謂呢? 真係要多謝摩登廣告為我做左咁多宣傳,幫我賣左咁多廣告,無左佢地,我都唔知有無今日呀......!於是我立即去左我個Blog 度,打算發表一篇致謝辭,答謝所有睇過我個Blog o既親朋戚友,我要多謝大家姐o既意見喇,多謝阿爸阿媽生左我出唻喇,多謝樓下果個三嬸成日嘈醒我喇,多謝我屋企樓下賣魚果個靚女喇,多謝肥仔由細到大都俾我蝦喇,多謝.......

咦,咪住先,做咩我個Blog 裡面多左咁多一D 我未見過o既野? 咦,link 唻架喎!我click 左其中一條,個Blog 突然去左肥仔個Blog 度!咩事? 做咩會咁架? 做咩我個Blog 會變成肥仔個Blog? 於是我返番去自己個Blog 度,再click 第二條link 睇下,點知又係去左肥仔個Blog!天,究竟發生咩事? 點解會變左『肥仔纏身』?

我即刻打左佢摩登廣告問個究竟,接聽果個唔係上次個女人,而係一把老牛聲一樣o既男人。我問佢:「點解我個Blog 而家會多左咁多link 去肥仔個Blog 到架? 」

「先生,合約條款咪寫到明,上面話左我地可以加d 廣告Link 入去架嘛。」

我立即打開果個合約條款o既版面唻睇,但係裡面咁鬼多字,我都睇唔得晒。喂咪住先......「咁都無理由去左肥仔果度架? 唔通肥仔果度好玩d? 仲有點解肥仔個Blog 裡面無廣告Link 架? 我見佢無我先至用你地公司咋喎!」

個男人無出聲,過左好耐先至問:「先生,你join 左我地邊個plan 先? 」

「拯救靜Blog 計劃囉。」

「先生,你剩係俾十蚊出唻,但係人地俾成唔知幾多倍錢出唻,參加左我地o既『完美廣告套餐』,效果點會同你十蚊貨仔o既一樣? 因為人地俾得起錢,莫講話係放廣告,就算o係人地地方放埋佢張相都仲得!其實講左咁耐,你有無興趣試下? 而家我地有優惠,過埋今個星期就無,係就快手喇!」

我又望望自己個銀包,見到仍然係得百幾蚊,把口一粒聲都出唔到。忽然我又記起,肥仔o係小學時代,俾我屈過佢請食雪糕,原因只係因為佢有錢。我終於明白到,原來想出名,有錢就得架喇...... 於是我即刻收左條友線,打俾大家姐,第一句就問:「家姐,快d 借幾皮野俾我!」

佢好似嚇左一跳:「借咁多唻做乜? 」

「為左個Blog 囉!」

「痴鬼線!」我從未聽過佢講野咁鬼大聲,最後仲cut 埋我線。我望望個電話,再望住自己個Blog...... 為左一個網,我竟然咁鬼緊張、仲要走去賣廣告;或者,我真係痴鬼左線?

 

 

〔本故事純屬虛構,如有類同,實屬巧合,敬請留意。〕

 


[1]

純屬虛構,如有類同,實屬巧合.. XD
你肯定係痴鬼左線啦,仲問,睇黎你真係痴得好緊要下wor..
我提議你去某一間個院長叫middle既精神病院度check check,咁可能會幫到你,
至於間野個查詢電話,係:
9992 3456
有事記得尋求協助呀!
(以上留言純屬虛構,如有類同,實屬巧合,敬請留意。)


[引用] | 作者 | 2006-05-17 | [舉報垃圾留言]

[2]

哈哈哈哈哈~~~

笑死o左! 阿門!


[引用] | 作者 諾韻 | 2006-05-17 | [舉報垃圾留言]

[3]

哈哈哈....正!


[引用] | 作者 金婆婆 | 2006-05-17 | [舉報垃圾留言]

[4]

財路!財路!


[引用] | 作者 草飛 | 2006-05-17 | [舉報垃圾留言]

[5]

唔得啦……呢次我無法子睇完唔留言…真係笑c左啦~~>+++


[引用] | 作者 子木 | 2006-05-17 | [舉報垃圾留言]

[6]

如有類同,相影成趣 ....
(真的有點不該,想得有點刻薄emoticon)


[引用] | 作者 0v0 | 2006-05-17 | [舉報垃圾留言]

[7]

連中間都用口語都算'近'喇!


[引用] | 作者 金婆婆 | 2006-05-17 | [舉報垃圾留言]

[8]

我都有贴相系blog度,不过实在姿质有限,哈哈哈……
其实blog比自己人或者了解自己的人看米够咯~~吾需要太刻意讨好任何人,加油啊!

你D文章写得几好啊,keep on going la……


[引用] | 作者 Vicky | 2006-05-17 | [舉報垃圾留言]

[9]

你條茂利吖,連我個瓣都撈埋!噉我個檔口摺得啦!XDDDDDD

你條茂利吖~~連我個瓣都

[引用] | 作者 三姑 | 2006-05-17 | [舉報垃圾留言]

[10]

唔, 呢篇真係有點兒激左d....emoticon


[引用] | 作者 伊達 | 2006-05-17 | [舉報垃圾留言]

[11]

我有理由相信,呢種癲人為了個blog會碌爆卡.假如我係你個大家姐,都一定cut鬼o左你條線~
阿細佬,你醒下啦,潑盆冰水o添:)



[12]

今日的狂想可能會變成明日的事實 !


[引用] | 作者 pema | 2006-05-17 | [舉報垃圾留言]

[13]

絕...絕...真是絕... 這篇文簡直帥呆了emoticon


[引用] | 作者 apsara | 2006-05-17 | [舉報垃圾留言]

[14]

哈哈哈,哩篇好攪笑...
Middle近來大改文風,新嘗試?


[引用] | 作者 shadowzo | 2006-05-17 | [舉報垃圾留言]

[15] Re: 甄
:
純屬虛構,如有類同,實屬巧合.. XD你肯定係痴鬼左線啦,仲問,睇黎你真係痴得好緊要下wor..我提議你去某一間個院長叫middle既精神病院度check check,咁可能會幫到你,至於間野個查詢電話,係:9992 3456有事記得尋求協助呀!(以上留言純屬虛構,如有類同,實屬巧合,敬請留意。)

呢位病人,咪當我都係傻好喎,999 打左仲得了? 雖然我眼紅肥仔,但唔係眼盲啵! =p


[引用] | 作者 Middle | 2006-05-17 | [舉報垃圾留言]

[16]

不公平既遊戲,會好玩嗎? =.='


[引用] | 作者 紫水晶 | 2006-05-17 | [舉報垃圾留言]

[17] Re: 諾韻、金婆婆、草飛、子木
諾韻 :
哈哈哈哈哈~~~
笑死o左! 阿門!

金婆婆 :
哈哈哈....正!

草飛 :
財路!財路!

子木 :
唔得啦……呢次我無法子睇完唔留言…真係笑c左啦~~>+++

多謝收睇。 =)


[引用] | 作者 Middle | 2006-05-17 | [舉報垃圾留言]

[18] Re: 0v0
0v0 :
如有類同,相影成趣 .... (真的有點不該,想得有點刻薄)

刻薄都由我而起,你無須太上心,看得合意就可。 ~ ~


[引用] | 作者 Middle | 2006-05-17 | [舉報垃圾留言]

[19] Re: 金婆婆、三姑
金婆婆 :
連中間都用口語都算'近'喇!

三姑 :
你條茂利吖,連我個瓣都撈埋!噉我個檔口摺得啦!XDDDDDD
你條茂利吖~~連我個瓣都

開頭見到人地個blog 用口語,之後就諗,不如試下用埋三姑個模式,所以就寫成咁...... 只會有今次,唔會再有下次。 =p 三姑,你果d 好睇d 。 ~ ~


[引用] | 作者 Middle | 2006-05-18 | [舉報垃圾留言]

[20] Re: 伊達
伊達 :
唔, 呢篇真係有點兒激左d....

激嗎? 如果令你不安,先講聲「抱歉」。


[引用] | 作者 Middle | 2006-05-18 | [舉報垃圾留言]

[21] Re: 阿丁[假如我是大家姐]
阿丁[假如我是大家姐] :
我有理由相信,呢種癲人為了個blog會碌爆卡.假如我係你個大家姐,都一定cut鬼o左你條線~阿細佬,你醒下啦,潑盆冰水o添:)

咁大家姐,你幾時先肯借幾皮野俾我ja,我好羨慕人地嘛...... (仲未醒...) ~ ~


[引用] | 作者 Middle | 2006-05-18 | [舉報垃圾留言]

[22] Re: Vicky
Vicky :
我都有贴相系blog度,不过实在姿质有限,哈哈哈……其实blog比自己人或者了解自己的人看米够咯~~吾需要太刻意讨好任何人,加油啊!
你D文章写得几好啊,keep on going la……

嗯,其實自己鍾意,就已經得。外間風風雨雨,可以只係外間o既事。

多謝你。 =)


[引用] | 作者 Middle | 2006-05-18 | [舉報垃圾留言]

[23] Re: pema
pema :
今日的狂想可能會變成明日的事實 !

但願不會。如果真這樣,就會很慘...... ~ ~"


[引用] | 作者 Middle | 2006-05-18 | [舉報垃圾留言]

[24] Re: apsara
apsara :
絕...絕...真是絕... 這篇文簡直帥呆了

多謝留言。 :)


[引用] | 作者 Middle | 2006-05-18 | [舉報垃圾留言]

[25] Re: shadowzo
shadowzo :
哈哈哈,哩篇好攪笑...Middle近來大改文風,新嘗試?

其實咁o岩...... 「落水流花」之前想試,「四樓的你」因為「尋覓韻思」,呢篇就因為人地咁寫所以我先咁寫...... 我諗,可一不可再的了。 =)


[引用] | 作者 Middle | 2006-05-18 | [舉報垃圾留言]

[26] Re: 紫水晶
紫水晶 :
不公平既遊戲,會好玩嗎? =.='

其實,有時候對方可能沒有預你玩的一份呢。


[引用] | 作者 Middle | 2006-05-18 | [舉報垃圾留言]

[27] Re: Re: 阿丁[假如我是大家姐]
Middle :
阿丁[假如我是大家姐] :我有理由相信,呢種癲人為了個blog會碌爆卡.假如我係你個大家姐,都一定cut鬼o左你條線~阿細佬,你醒下啦,潑盆冰水o添:)

咁大家姐,你幾時先肯借幾皮野俾我ja,我好羨慕人地嘛...... (仲未醒...) ~ ~

阿細佬,你仲未醒...
你click去:www.jcg.com.hk /www.promise.com.hk
不過,易借易還? 你諗下係咪先嘞!



[28] Re: 阿丁[假如我是大家姐]
阿丁[假如我是大家姐] :

阿細佬,你仲未醒...你click去:www.jcg.com.hk /www.promise.com.hk不過,易借易還? 你諗下係咪先嘞!

你都唔幫我,仲同我係度幫人地公司賣廣告...... T__T


[引用] | 作者 Middle | 2006-05-18 | [舉報垃圾留言]

[29]

哈哈!mid mid轉風格呀?呢篇好鬼攪野呀, 睇到我好鬼開心! 估唔到mid mid連呢類攪笑故事都虛構到出黎, 果然係純屬虛構既blog主...


[引用] | 作者 叮叮 | 2006-05-18 | [舉報垃圾留言]

[30] Re:
apsara : 絕...絕...真是絕... 這篇文簡直帥呆了
x2 emoticon


[引用] | 作者 Phantom | 2006-05-18 | [舉報垃圾留言]

[31]

夠抵死~


[引用] | 作者 北北 | 2006-05-18 | [舉報垃圾留言]

[32] Re: 叮叮
叮叮 :
哈哈!mid mid轉風格呀?呢篇好鬼攪野呀, 睇到我好鬼開心! 估唔到mid mid連呢類攪笑故事都虛構到出黎, 果然係純屬虛構既blog主...

其實,唔係轉風,咁o岩ja。平時我無打,唔代表我唔識嘛。 ~ ~


[引用] | 作者 Middle | 2006-05-18 | [舉報垃圾留言]

[33] Re: Phantom、北北

謝謝。 =)


[引用] | 作者 Middle | 2006-05-18 | [舉報垃圾留言]

[34]

哇哈哈…肥仔link,梗有一條喺左近!


[引用] | 作者 瑩瑩 | 2006-05-18 | [舉報垃圾留言]

[35] Re: Re: 0v0
Middle : 0v0 :如有類同,相影成趣 .... (真的有點不該,想得有點刻薄) 刻薄都由我而起,你無須太上心,看得合意就可。 ~ ~
再刻薄的是看罷某Blog後的想法,
這個就有點.......emoticon
emoticon


[引用] | 作者 0v0 | 2006-05-18 | [舉報垃圾留言]

[36]

好掂喎個故仔﹗喺邊度抄番嚟架﹖emoticon


[引用] | 作者 靚媽 | 2006-05-18 | [舉報垃圾留言]

[37] Re: 瑩瑩 & 靚媽
瑩瑩 :
哇哈哈…肥仔link,梗有一條喺左近!

唔好賣廣告好啵。 ~ ~

靚媽 :
好掂喎個故仔﹗喺邊度抄番嚟架﹖

無抄,最多參考而已。


[引用] | 作者 Middle | 2006-05-18 | [舉報垃圾留言]

[38] Re: 0v0
0v0 :
再刻薄的是看罷某Blog後的想法,這個就有點.......

哈哈,你有對比? 都說刻薄的是我,是我嘛。


[引用] | 作者 Middle | 2006-05-18 | [舉報垃圾留言]

[39]

簡直係冚band爛癡鬼哂線啦,咁都得,無人覺得唔妥,好橋,去馬!


[引用] | 作者 Bee | 2006-05-18 | [舉報垃圾留言]

[40]

第一次黎就睇到篇咁正既文, 可唔可以幫我簽個名呀?emoticon


[引用] | 作者 Oasis | 2006-05-18 | [舉報垃圾留言]

[41] Re: Re: 0v0
Middle : 0v0 :再刻薄的是看罷某Blog後的想法,這個就有點....... 哈哈,你有對比? 都說刻薄的是我,是我嘛。
原本都不會去看,但看完這篇後,稍作消化時,就猜想該有另一個內容....
巧的偶然稍稍"Click 兩 Click"看,就肯定了──
只是相影成趣之下有點刻薄而已emoticon


不過對事件的感想,或許,就如在Jovi 那裡所留下的話。


[引用] | 作者 0v0 | 2006-05-18 | [舉報垃圾留言]

[42]

靜靜地blog很舒服呀... 肥仔只有hit rate, 沒有fans 嘛!


[引用] | 作者 imak | 2006-05-18 | [舉報垃圾留言]

[43] Re:
pema :
今日的狂想可能會變成明日的事實 !

唔知好驚定好笑!


[引用] | 作者 agnes | 2006-05-18 | [舉報垃圾留言]

[44]

呢篇真係好得意, 你寫得好好, 第時可能真係會有這樣的廣告宣傳..可能而家已經有了...


[引用] | 作者 小仙子 | 2006-05-18 | [舉報垃圾留言]

[45]

俾得起錢, 搵個付費既blog用好過啦... 哈哈!

諗起果個噁心既修身廣告.. 哎呀...


[引用] | 作者 沛兒 | 2006-05-18 | [舉報垃圾留言]

[46]

真係精彩, 以故事來講現象.


[引用] | 作者 大腦電波 | 2006-05-18 | [舉報垃圾留言]

[47]

哈哈哈哈....笑死我...

果日睇到無啦啦多左壇咁既"既"野我都想寫,不過諗極都諗唔到好似你咁抵死既...


[引用] | 作者 笨爸 | 2006-05-18 | [舉報垃圾留言]

[48] Re: Bee
Bee :
簡直係冚band爛癡鬼哂線啦,咁都得,無人覺得唔妥,好橋,去馬!

到左今日,似乎真係無人覺得唔妥...... 似乎真係唔覺。


[引用] | 作者 Middle | 2006-05-18 | [舉報垃圾留言]

[49] Re: Oasis
Oasis :
第一次黎就睇到篇咁正既文, 可唔可以幫我簽個名呀?

簽名? 太誇,多謝你唻就真,個廣告都仲有d 用...... ~ ~


[引用] | 作者 Middle | 2006-05-18 | [舉報垃圾留言]

[50] Re: 0v0
0v0 :
原本都不會去看,但看完這篇後,稍作消化時,就猜想該有另一個內容....巧的偶然稍稍"Click 兩 Click"看,就肯定了──只是相影成趣之下有點刻薄而已。不過對事件的感想,或許,就如在Jovi 那裡所留下的話。

其實怎樣也好,會獨立思考理性分析,是最重要的。


[引用] | 作者 Middle | 2006-05-18 | [舉報垃圾留言]

Next